彩云之南 2007年7月10日 滞留在丽江

今日，好5舒服，因为昨晚训觉时饮左冻水，搞到肚痛半夜三更要去厕所。腹泻就好拉，至弊中要肚痛。从厕所出黎，只是觉得成个人都虚脱，摸黑爬上床，肚仲是一阵阵甘痛，果时真是好挂住屋企，好想番屋企。成晚无好觉训，所以今日显得好累。

一起床，就冲左个面，跟住先去刷牙洗面。刷完牙洗完面刚好有面吃，吃完面好吃药啊。5知系未心理作用，吃左药，主观上觉得无甘痛，但仲系要去跑厕所，晕。吃完药就执晒好D野，准备出发去泸沽湖。鬼知阿材突然走过来话今日5可以去泸沽湖。因为昨晚落雨公路塌方，封左路。听到呢个消息，无奈中唯有又摊响床度训大觉。训到中午11点几，我地五个人就齐齐去吃饭。客栈老板见到我地出去吃饭，就介绍左间饭店比我地。我地去到先知被骗了，D菜都几贵下，最后我地唯有点做两个菜，一个是炒青菜，一个是回锅洋芋。晕，两个都是斋，仲叫左一桶饭，所谓的一桶，其实是一个小木桶。呢餐饭吃左31蚊，一点都5抵。

吃完饭我同LULU就去逛街，另外三个就番客栈。因为我同LULU都无厚衫着，而丽江落雨的话就冻到鬼甘所以我地决定去买衫。响新城逛左好耐都买5到合适的衫，于是我地决定去买披肩。为左寻找我地的披肩，我地去左古城入边逛。皇天不负有心人，我地都买左自己中意的披肩。买左披肩后，我地就继续逛，去左木府，但无入去。我地去左一点无甘多人的小巷，吃左好多小吃，见到好多有特色的店。而且发现左我地一直寻找的木铃，买左个留念。其实去D无甘多人的巷仔，发现的野更多，买到的野都会便D。